O‘zbekiston kubogi guruh bosqich 1-turi doirasidagi markaziy o‘yinda "Neftchi" Namanganda "Navbahor" bilan durang o‘ynadi.
Dastlab Zoran Marushich mehmonlarni hisobda oldinga olib chiqqan bo‘lsa, 90+6-daqiqada Gedesh muvozanatni tikladi.
O‘yindan so‘ng "Neftchi" ustozi Vitaliy Levchenko fikr bildirdi.
"Jamoa o‘yinidan qoniqdim. O‘yin ikkiga bo‘lindi: qizil kartochkagacha va chetlatishdan keyingi qismlar bir-biridan ajralib turdi.
Oxirgi daqiqada g‘alabani boy berish istalgan murabbiyga alam qiladi. G‘alabani saqlab qola olmaganimiz biroz alam qildi", – dedi murabbiy.
