Ўзбекистон кубоги гуруҳ босқич 1-тури доирасидаги марказий ўйинда "Нефтчи" Наманганда "Навбаҳор" билан дуранг ўйнади.
Дастлаб Зоран Марушич меҳмонларни ҳисобда олдинга олиб чиққан бўлса, 90+6-дақиқада Гедеш мувозанатни тиклади.
Ўйиндан сўнг "Нефтчи" устози Виталий Левченко фикр билдирди.
"Жамоа ўйинидан қониқдим. Ўйин иккига бўлинди: қизил карточкагача ва четлатишдан кейинги қисмлар бир-биридан ажралиб турди.
Охирги дақиқада ғалабани бой бериш исталган мураббийга алам қилади. Ғалабани сақлаб қола олмаганимиз бироз алам қилди", – деди мураббий.
