Bernardu Silva "Benfika"ga qaytishi mumkin.

"Manchester Siti" yozgi transfer oynasida tarkibni qayta tiklash doirasida 30 yoshli yarim himoyachi bilan xayrlashishi mumkin, deya xabar beradi The Times.

Portugaliyaliklar futbolchining qaytishidan manfaatdor va allaqachon uning vakillari bilan bog‘lanishgan. "Benfika" shartnomada ko‘rsatilgan 50 million yevro tovon pulini to‘lamoqchi emas, ammo futbolchining Lissabon klubiga qaytishga qiziqishi bor-yo‘qligini aniqlashga harakat qilmoqda.

Bernardu "Benfika" yoshlar tizimi mahsuli bo‘lib, 2002 yildan 2013 yilgacha klub tizimida bo‘lgan. U "burgutlar"ning asosiy jamoasida 3 ta o‘yin o‘tkazgan.