Бернарду Силва "Бенфика"га қайтиши мумкин.
"Манчестер Сити" ёзги трансфер ойнасида таркибни қайта тиклаш доирасида 30 ёшли ярим ҳимоячи билан хайрлашиши мумкин, дея хабар беради The Times.
Португалияликлар футболчининг қайтишидан манфаатдор ва аллақачон унинг вакиллари билан боғланишган. "Бенфика" шартномада кўрсатилган 50 миллион евро товон пулини тўламоқчи эмас, аммо футболчининг Лиссабон клубига қайтишга қизиқиши бор-йўқлигини аниқлашга ҳаракат қилмоқда.
Бернарду "Бенфика" ёшлар тизими маҳсули бўлиб, 2002 йилдан 2013 йилгача клуб тизимида бўлган. У "бургутлар"нинг асосий жамоасида 3 та ўйин ўтказган.
