"Manchester Yunayted" bosh murabbiyi Ruben Amorim Chempionlar ligasi saralashining klub uchun ahamiyati haqida o‘z fikrlari bilan o‘rtoqlashdi.

"Menimcha, bu ko‘proq byudjetga bog‘liq. Kelgusi mavsumni rejalashtirayotganda muhim, Chempionlar ligasi hammasini o‘zgartirishi mumkin. Lekin bunga boshqa tomondan ham qarash mumkin. Chempionlar ligasida chorshanba kuni top-jamoalar bilan o‘ynash qiyin, keyin esa hafta oxirida Premyer-ligada. Agar bizda Chempionlar ligasi bo‘lmasa, jamoani qurish uchun ko‘proq vaqtimiz bo‘ladi", - dedi mutaxassis.

Eslatib o‘tamiz, "Manchester Yunayted" hozirda turnir jadvalida 14-o‘rinni egallab turibdi. 32 uchrashuvdan keyin jamoa hisobida 38 ochko bor.