"Манчестер Юнайтед" бош мураббийи Рубен Аморим Чемпионлар лигаси саралашининг клуб учун аҳамияти ҳақида ўз фикрлари билан ўртоқлашди.
"Менимча, бу кўпроқ бюджетга боғлиқ. Келгуси мавсумни режалаштираётганда муҳим, Чемпионлар лигаси ҳаммасини ўзгартириши мумкин. Лекин бунга бошқа томондан ҳам қараш мумкин. Чемпионлар лигасида чоршанба куни топ-жамоалар билан ўйнаш қийин, кейин эса ҳафта охирида Премьер-лигада. Агар бизда Чемпионлар лигаси бўлмаса, жамоани қуриш учун кўпроқ вақтимиз бўлади", - деди мутахассис.
Эслатиб ўтамиз, "Манчестер Юнайтед" ҳозирда турнир жадвалида 14-ўринни эгаллаб турибди. 32 учрашувдан кейин жамоа ҳисобида 38 очко бор.
