"Inter" yarim himoyachisi Xoqon Chalxanoglu YECHL chorak finali javob uchrashuvida "Bavariya" bilan durang (2:2) haqida fikr bildirdi. Ikki o‘yinning umumiy hisobiga ko‘ra, milanliklar yarim finalga yo‘l oldi.

"Ajoyib oqshom. Albatta, ter to‘kishimiz kerak edi, ayniqsa, so‘nggi daqiqalarda. Biz bunga tayyor edik, "Bavariya" bizni qiyin ahvolga solib qo‘yishini bilardik. Ularning birinchi goliga yaxshi javob qaytardik. Hisob 2:1 bo‘lganidan keyin himoyaga o‘tishga majbur bo‘ldik, biroq o‘zimizga ishonishda davom etdik", - dedi futbolchi.

Chempionlar ligasi yarim finalida "Inter" "Barselona" bilan o‘ynaydi. Birinchi o‘yin 29 aprel kuni Ispaniyada, javob o‘yini esa 6 may kuni Italiyada bo‘lib o‘tadi.