"Интер" ярим ҳимоячиси Хоқон Чалханоглу ЕЧЛ чорак финали жавоб учрашувида "Бавария" билан дуранг (2:2) ҳақида фикр билдирди. Икки ўйиннинг умумий ҳисобига кўра, миланликлар ярим финалга йўл олди.
"Ажойиб оқшом. Албатта, тер тўкишимиз керак эди, айниқса, сўнгги дақиқаларда. Биз бунга тайёр эдик, "Бавария" бизни қийин аҳволга солиб қўйишини билардик. Уларнинг биринчи голига яхши жавоб қайтардик. Ҳисоб 2:1 бўлганидан кейин ҳимояга ўтишга мажбур бўлдик, бироқ ўзимизга ишонишда давом этдик", - деди футболчи.
Чемпионлар лигаси ярим финалида "Интер" "Барселона" билан ўйнайди. Биринчи ўйин 29 апрель куни Испанияда, жавоб ўйини эса 6 май куни Италияда бўлиб ўтади.
