"Manchester Yunayted"dan ijaraga olingan "Aston Villa" forvardi Markus Reshford Birmingem klubidagi o‘yinlari Yevropaning yetakchi klublari e’tiborini tortishiga umid qilmoqda, deb xabar beradi talksport.

Joriy yilning qishida "Aston Villa" Reshfordni 40 million funt evaziga sotib olish huquqi bilan mavsum oxirigacha ijaraga oldi.

Angliyalik forvard yangi klubi safida barcha musobaqalarda 15 ta o‘yin o‘tkazib, 3 ta gol urgan va 5 ta golga hammualliflik qilgan.

"Manchester Yunayted"ga yaqin manbalarning ta’kidlashicha, Ruben Amorim murabbiylik qilayotgan paytda futbolchining klubga qaytish istiqboli katta emas.

27 yoshli angliyalik futbolchining o‘zi "Barselona"ga o‘tishni ma’qul ko‘rmoqda.

Reshfordning "Aston Villa"da qolishi ehtimoli haqida manbaning ta’kidlashicha, futbolchi klubda maosh so‘rovlarini qisqartirishiga to‘g‘ri keladi. Hozirda futbolchi haftasiga 350 ming funt atrofida maosh olmoqda.