Italiya futbolining sobiq yulduzi Alessandro Del Pyero Italiya futbolining avvalgi shon-shuhratini qaytarishiga to‘sqinlik qilayotgan alomatlar haqida o‘z fikrlari bilan o‘rtoqlashdi.
Del Pyeroning fikricha, italyan futbolida futbolchilar orasida jismoniy tayyorgarlik yetishmaydi. Misol tariqasida u “Inter” – “Bavariya” uchrashuvini keltirdi, unda milanliklar o‘zlariga kerakli hisobni zo‘rg‘a ushlab qolishgan.
"Agar e’tibor bergan bo‘lsangiz, o‘yindan so‘ng "Inter"ning uch-to‘rt futbolchisi butunlay holdan toygan edi. "Bavariya"da hech kim charchamadi, hamma ozmi-ko‘pmi yangidek ko‘rindi.
Bu nafaqat "Inter"ning, balki butun Italiya futbolining muammosi", - dedi Del Pyero.
