Италия футболининг собиқ юлдузи Алессандро Дель Пьеро Италия футболининг аввалги шон-шуҳратини қайтаришига тўсқинлик қилаётган аломатлар ҳақида ўз фикрлари билан ўртоқлашди.
Дель Пьеронинг фикрича, итальян футболида футболчилар орасида жисмоний тайёргарлик етишмайди. Мисол тариқасида у “Интер” – “Бавария” учрашувини келтирди, унда миланликлар ўзларига керакли ҳисобни зўрға ушлаб қолишган.
"Агар эътибор берган бўлсангиз, ўйиндан сўнг "Интер"нинг уч-тўрт футболчиси бутунлай ҳолдан тойган эди. "Бавария"да ҳеч ким чарчамади, ҳамма озми-кўпми янгидек кўринди.
Бу нафақат "Интер"нинг, балки бутун Италия футболининг муаммоси", - деди Дель Пьеро.
