Fransiyalik futbol tahlilchisi va «PSJ»ning sobiq yarim himoyachisi Jerom Roten Kilian Mbappening «Real Madrid»dagi ilk mavsumini keskin tanqid qildi.

Yevropa Chempionlar Ligasi chorak finalida madridliklar Londonning «Arsenal» jamoasiga ikki o‘yin natijasiga ko‘ra mag‘lub bo‘ldi (0:3, 1:2), va bu Mbappe uchun juda og‘riqli yakun bo‘ldi.

«Biz Kilian Mbappe haqida gapiryapmiz. U bolalik orzusi bo‘lgan klubga keldi — barcha sovrinlarni yutib, "Oltin to‘p"ni qo‘lga kiritish niyatida edi. Ammo natija juda yomon — bu to‘liq muvaffaqiyatsizlik», — deydi Roten.

Uning so‘zlariga ko‘ra, Mbappe mavsum avvalida to‘g‘ri tanqiddan himoya qilingan, chunki unga moslashish uchun vaqt berilayotgan edi. Ammo futbolchi darajasidagi yulduz uchun bu vaqt juda qisqa bo‘ladi:

«U ko‘p gol urdi, lekin o‘yini — haqiqiy katastrofa. U "Arsenal"ga qarshi o‘yinda o‘zini ko‘rsata olmadi. Bunday pallada u barcha jihatdan ideal bo‘lishi kerak edi».

Shuningdek, Roten Mbappening jamoa ichidagi munosabatlari va o‘z ishiga yondashuvini ham tanqid ostiga oldi:

«Uning jamoadoshlari bilan munosabati yetarli darajada emas. Missiyasiga bo‘lgan munosabati uning bayonotlariga mos kelmaydi. Bu mavsum — u uchun fojiali tugadi. Men unga omad tilayman, lekin buni muvaffaqiyat deb bo‘lmaydi».