Франциялик футбол таҳлилчиси ва «ПСЖ»нинг собиқ ярим ҳимоячиси Жером Ротен Килиан Мбаппенинг «Реал Мадрид»даги илк мавсумини кескин танқид қилди.

Европа Чемпионлар Лигаси чорак финалида мадридликлар Лондоннинг «Арсенал» жамоасига икки ўйин натижасига кўра мағлуб бўлди (0:3, 1:2), ва бу Мбаппе учун жуда оғриқли якун бўлди.

«Биз Килиан Мбаппе ҳақида гапиряпмиз. У болалик орзуси бўлган клубга келди — барча совринларни ютиб, "Олтин тўп"ни қўлга киритиш ниятида эди. Аммо натижа жуда ёмон — бу тўлиқ муваффақиятсизлик», — дейди Ротен.

Унинг сўзларига кўра, Мбаппе мавсум аввалида тўғри танқиддан ҳимоя қилинган, чунки унга мослашиш учун вақт берилаётган эди. Аммо футболчи даражасидаги юлдуз учун бу вақт жуда қисқа бўлади:

«У кўп гол урди, лекин ўйини — ҳақиқий катастрофа. У "Арсенал"га қарши ўйинда ўзини кўрсата олмади. Бундай паллада у барча жиҳатдан идеал бўлиши керак эди».

Шунингдек, Ротен Мбаппенинг жамоа ичидаги муносабатлари ва ўз ишига ёндашувини ҳам танқид остига олди:

«Унинг жамоадошлари билан муносабати етарли даражада эмас. Миссиясига бўлган муносабати унинг баёнотларига мос келмайди. Бу мавсум — у учун фожиали тугади. Мен унга омад тилайман, лекин буни муваффақият деб бўлмайди».