"Manchester Yunayted" o‘z maydonida Yevropa Ligasi chorak final javob o‘yinida "Lion"ni mag‘lub etdi - 5:4. O‘yin Manchesterdagi "Old Trafford"da bo‘lib o‘tdi.

Birinchi bo‘limdan so‘ng mankunianliklar 2:0 hisobida oldinda borayotgandi - 10-daqiqada Manuel Ugarte gol urdi, bo‘lim oxirida esa Diogu Dalot o‘z hisobiga gol yozdirib qo‘ydi. 71-daqiqada mehmonlar bitta to‘pni qisqartirishdi - Korenten Tolisso gol urdi. Oradan 7 daqiqa o‘tib, Nikolas Talyafiko hisobni tenglashtirdi. Asosiy vaqt yakunida fransuz klubi bir kishi kam bo‘lib qoldi - ikkinchi sariq kartochkani Tolisso oldi.

Dastlabki o‘yin durang (2:2) bilan yakunlangani bois jamoalar yana ikki bo‘limda 15 daqiqadan maydonda harakat qilishdi. 105-daqiqada "to‘qimachilar" yarim himoyachisi Rayan Sherki uchinchi golni urgan bo‘lsa, oradan 3 daqiqa o‘tib Aleksandr Lyakazett penaltini aniq amalga oshirdi.

"MYU" yarimhimoyachisi Brunu Fernandesh 114-daqiqada penaltidan unumli foydalanib, hisobni bitta golgacha qisqartirdi. Hakam tomonidan qo‘shib berilgan daqiqalardayoq Kobi Maynu Kazemirning uzatmasidan so‘ng hisobni tenglashtirgan bo‘lsa, himoyachi Xarri Maguayr g‘alaba to‘pini kiritdi.