"Манчестер Юнайтед" ўз майдонида Европа Лигаси чорак финал жавоб ўйинида "Лион"ни мағлуб этди - 5:4. Ўйин Манчестердаги "Олд Траффорд"да бўлиб ўтди.
Биринчи бўлимдан сўнг манкунианликлар 2:0 ҳисобида олдинда бораётганди - 10-дақиқада Мануэль Угарте гол урди, бўлим охирида эса Диогу Далот ўз ҳисобига гол ёздириб қўйди. 71-дақиқада меҳмонлар битта тўпни қисқартиришди - Корентен Толиссо гол урди. Орадан 7 дақиқа ўтиб, Николас Тальяфико ҳисобни тенглаштирди. Асосий вақт якунида француз клуби бир киши кам бўлиб қолди - иккинчи сариқ карточкани Толиссо олди.
Дастлабки ўйин дуранг (2:2) билан якунлангани боис жамоалар яна икки бўлимда 15 дақиқадан майдонда ҳаракат қилишди. 105-дақиқада "тўқимачилар" ярим ҳимоячиси Раян Шерки учинчи голни урган бўлса, орадан 3 дақиқа ўтиб Александр Ляказетт пенальтини аниқ амалга оширди.
"МЮ" яримҳимоячиси Бруну Фернандеш 114-дақиқада пенальтидан унумли фойдаланиб, ҳисобни битта голгача қисқартирди. Ҳакам томонидан қўшиб берилган дақиқалардаёқ Коби Майну Каземирнинг узатмасидан сўнг ҳисобни тенглаштирган бўлса, ҳимоячи Харри Магуайр ғалаба тўпини киритди.
