Londonning "Chelsi" klubi bosh murabbiyi Enso Mareska jamoasining Konferensiyalar ligasi yarim finaliga chiqqani haqida fikr bildirdi.
Javob o‘yinida "ko‘klar" "Legiya"ga mag‘lub bo‘lishdi (1:2), ammo bu muvaffaqiyatsizlik inglizlarning turnirda oldinga borishiga to‘sqinlik qilmadi.
"Mag‘lubiyatdan norozimiz. Bu o‘yinda "Fulxem"ga qarshi to‘qnashuv oldidan jarohatlardan qochish uchun biroz rotasiya bo‘ldi. Eng muhimi, biz yarim finalga chiqdik. Mavsumning so‘nggi qismida bizda hech qanday jarohat yo‘q, bu juda quvonarli", - dedi Mareska Football London bilan suhbatda.
London klubi Konferensiyalar ligasi finali yo‘llanmasi uchun Shvesiyaning "Yurgorden" jamoasi bilan kuch sinashadi.
