Лондоннинг "Челси" клуби бош мураббийи Энцо Мареска жамоасининг Конференциялар лигаси ярим финалига чиққани ҳақида фикр билдирди.
Жавоб ўйинида "кўклар" "Легия"га мағлуб бўлишди (1:2), аммо бу муваффақиятсизлик инглизларнинг турнирда олдинга боришига тўсқинлик қилмади.
"Мағлубиятдан норозимиз. Бу ўйинда "Фулхэм"га қарши тўқнашув олдидан жароҳатлардан қочиш учун бироз ротация бўлди. Энг муҳими, биз ярим финалга чиқдик. Мавсумнинг сўнгги қисмида бизда ҳеч қандай жароҳат йўқ, бу жуда қувонарли", - деди Мареска Football London билан суҳбатда.
Лондон клуби Конференциялар лигаси финали йўлланмаси учун Швециянинг "Юргорден" жамоаси билан куч синашади.
