"MYU" tarbiyalanuvchisi Jo Tompson 36 yoshida vafot etdi.
O‘tgan yilning aprel oyida "Rochdeyl"ning sobiq yarim himoyachisiga uchinchi marta - faoliyatini yakunlaganidan besh yil o‘tib saraton tashxisi qo‘yilgandi. Tompsonda to‘rtinchi bosqich limfomasi topildi - bu o‘pkaga tarqalgan qon saratonining bir turi.
U futbolchilik faoliyati davomida ikki marta kasallikni yenggan.
"Klubimiz qadriyatlarini o‘zida mujassam etgan inson.
Afsus bilan ma’lum qilamizki, Jo Tompson vafot etdi. Iliq, ochiqko‘ngil inson, yoshligidan bizning klubimiz bilan chambarchas bog‘langan - Joning oilasi va do‘stlariga hozirgi qiyin davrda hamdardlik bildiramiz," - deyiladi "Manchester Yunayted" xabarida.
Tompson "MYU"da kattalar darajasida o‘ynamagan. U, shuningdek, "Tranmer Rovers", "Beri", "Sautport" va "Karlayl Yunayted" klublarida o‘ynagan.
