"МЮ" тарбияланувчиси Жо Томпсон 36 ёшида вафот этди.
Ўтган йилнинг апрель ойида "Рочдейл"нинг собиқ ярим ҳимоячисига учинчи марта - фаолиятини якунлаганидан беш йил ўтиб саратон ташхиси қўйилганди. Томпсонда тўртинчи босқич лимфомаси топилди - бу ўпкага тарқалган қон саратонининг бир тури.
У футболчилик фаолияти давомида икки марта касалликни енгган.
"Клубимиз қадриятларини ўзида мужассам этган инсон.
Афсус билан маълум қиламизки, Жо Томпсон вафот этди. Илиқ, очиқкўнгил инсон, ёшлигидан бизнинг клубимиз билан чамбарчас боғланган - Жонинг оиласи ва дўстларига ҳозирги қийин даврда ҳамдардлик билдирамиз," - дейилади "Манчестер Юнайтед" хабарида.
Томпсон "МЮ"да катталар даражасида ўйнамаган. У, шунингдек, "Транмер Роверс", "Бери", "Саутпорт" ва "Карлайл Юнайтед" клубларида ўйнаган.
