"Atletik" vingeri Niko Uilyams jarohat olib safdan chiqdi. 22 yoshli futbolchi Yevropa Ligasi 1/4 finalidan o‘rin olgan "Reynjers"ga (2:0) qarshi kechgan so‘nggi o‘yinda gol urib, qahramonlardan biriga aylandi. 87-daqiqada ispaniyalik futbolchi zaxiraga olindi, keyinroq unda jarohat borligi ma’lum bo‘ldi. Marca nashrining ma’lum qilishicha, Uilyams yakshanba kuni bo‘lib o‘tadigan La Liganing "Real"ga qarshi o‘yinini o‘tkazib yuboradi.

Futbolchining qaytish sanasi hozircha ma’lum qilinmayapti: u "Manchester Yunayted" bilan Yevropa Ligasi yarim finalining birinchi o‘yiniga qadar tiklanishga ulgurmasligi ehtimoli yo‘q emas. Uchrashuv 1-may kuni basklar maydonida bo‘lib o‘tadi.