"Атлетик" вингери Нико Уильямс жароҳат олиб сафдан чиқди. 22 ёшли футболчи Европа Лигаси 1/4 финалидан ўрин олган "Рейнжерс"га (2:0) қарши кечган сўнгги ўйинда гол уриб, қаҳрамонлардан бирига айланди. 87-дақиқада испаниялик футболчи захирага олинди, кейинроқ унда жароҳат борлиги маълум бўлди. Marca нашрининг маълум қилишича, Уильямс якшанба куни бўлиб ўтадиган Ла Лиганинг "Реал"га қарши ўйинини ўтказиб юборади.
Футболчининг қайтиш санаси ҳозирча маълум қилинмаяпти: у "Манчестер Юнайтед" билан Европа Лигаси ярим финалининг биринчи ўйинига қадар тикланишга улгурмаслиги эҳтимоли йўқ эмас. Учрашув 1-май куни басклар майдонида бўлиб ўтади.
