"Brentford" klubi hujumkor yarim himoyachisi Brayan Mbeumo faoliyatini Angliyaning boshqa klubida davom ettirishi mumkin. Bu haqda Goal.com portali jurnalistlari xabar bermoqda.
Manbaga ko‘ra, futbolchini "Liverpul" o‘z safiga qo‘shib olmoqchi. 25 yoshli vingerning transfer narxi 50 million yevroga baholanmoqda. Futbolchining "Brentford" bilan amaldagi mehnat shartnomasi 2026 yilning iyun oyi oxirida yakunlanadi.
Angliya Premyer-ligasining joriy mavsumida Brayan 33 ta o‘yin o‘tkazib, 18 ta gol urdi (beshta gol penaltidan) va oltita golli uzatmani amalga oshirdi. U "asalarilar" safida 2019 yildan buyon to‘p tepib kelmoqda.
