"Брентфорд" клуби ҳужумкор ярим ҳимоячиси Брайан Мбеумо фаолиятини Англиянинг бошқа клубида давом эттириши мумкин. Бу ҳақда Goal.com портали журналистлари хабар бермоқда.
Манбага кўра, футболчини "Ливерпуль" ўз сафига қўшиб олмоқчи. 25 ёшли вингернинг трансфер нархи 50 миллион еврога баҳоланмоқда. Футболчининг "Брентфорд" билан амалдаги меҳнат шартномаси 2026 йилнинг июнь ойи охирида якунланади.
Англия Премьер-лигасининг жорий мавсумида Брайан 33 та ўйин ўтказиб, 18 та гол урди (бешта гол пенальтидан) ва олтита голли узатмани амалга оширди. У "асаларилар" сафида 2019 йилдан буён тўп тепиб келмоқда.
