"Aston Villa" hujumchisi Olli Uotkins Fransiyaning "PSJ" jamoasiga qarshi Chempionlar ligasi 1/4 final uchrashuvida asosiy tarkibga kiritilmaganidan noroziligini bildirdi. Ikki uchrashuv yakuniga ko‘ra Parij klubi 5:4 hisobida g‘alaba qozondi.
"Men ikkala o‘yinda ham "PSJ"ga qarshi 20 daqiqa o‘ynadim. Yolg‘on gapirmayman, o‘ynamaganimdan g‘azablandim va buni Unai Emeriga aytdim. U murabbiy va uning qarorlarini hurmat qilish kerak, lekin men zaxira o‘rindig‘ida o‘tirishdan xursand bo‘lgan futbolchilardan emasman.
Eng muhim uchrashuvlarni o‘tkazib yuborishni men hech qachon boshdan kechirmaganman. Men imkon qadar uzoq vaqt maydonda qolishni xohlardim. Bizni hozirgi holatga keltirishda men katta rol o‘ynadim va men bu o‘yinlarda o‘ynashni xohlayman", - dedi Uotkins.













