"Астон Вилла" ҳужумчиси Олли Уоткинс Франциянинг "ПСЖ" жамоасига қарши Чемпионлар лигаси 1/4 финал учрашувида асосий таркибга киритилмаганидан норозилигини билдирди. Икки учрашув якунига кўра Париж клуби 5:4 ҳисобида ғалаба қозонди.
"Мен иккала ўйинда ҳам "ПСЖ"га қарши 20 дақиқа ўйнадим. Ёлғон гапирмайман, ўйнамаганимдан ғазабландим ва буни Унаи Эмерига айтдим. У мураббий ва унинг қарорларини ҳурмат қилиш керак, лекин мен захира ўриндиғида ўтиришдан хурсанд бўлган футболчилардан эмасман.
Энг муҳим учрашувларни ўтказиб юборишни мен ҳеч қачон бошдан кечирмаганман. Мен имкон қадар узоқ вақт майдонда қолишни хоҳлардим. Бизни ҳозирги ҳолатга келтиришда мен катта роль ўйнадим ва мен бу ўйинларда ўйнашни хоҳлайман", - деди Уоткинс.
