"Kardiff Siti" yarim himoyachi Aaron Remzini vaqtinchalik bosh murabbiy etib tayinlanganini e’lon qildi.
Chempionshipning 43-turida "Sheffild Yunayted"dan uchralgan mag‘lubiyatdan so‘ng (0:2) klub o‘tgan yilning sentyabr oyidan buyon jamoani boshqarib kelayotgan 45 yoshli angliyalik Omer Rizni bosh murabbiylikdan chetlatganini ma’lum qildi.
Uning o‘rniga 34 yoshli yarim himoyachi Aaron Remzi mavsum oxirigacha jamoani boshqaradi.
Joriy mavsumda 34 yoshli uelslik futbolchi "Kardiff Siti" safida barcha musobaqalarda 10 ta o‘yin o‘tkazdi (684 daqiqa).
Eslatib o‘tamiz, 2023 yilning yozida Remzi 2006-2008 yillarda asosiy jamoasida o‘ynagan "Kardiff Siti"ga qaytdi.
2023 yilning iyulida u klub bilan 2 yillik - 2025 yilning yoziga qadar shartnoma imzoladi.
Remzi jamoadagi so‘nggi uchrashuvi 2025 yilning 11 martida "Luton"ga qarshi o‘yinda (1:2) bo‘lgan. Shundan so‘ng Aaron jarohati sabab jamoaning o‘yinlarini o‘tkazib yubordi.
Chempionat tugashiga 3 tur qolgan Uels jamoasi 23-o‘rinda joylashgan.
