Ispaniya chempionatining 32-turida Madridning "Real" klubi o‘z maydonida Bilbaoning "Atletik" klubini qabul qildi.

Mezbonlar 1:0 hisobida minimal g‘alabani tantana qilishdi. Yagona gol yarim himoyachi Federiko Valverde tomonidan kiritildi.

AS nashri xabariga ko‘ra, o‘yin davomida madridlik muxlislar hujumchi Kilian Mbappega nisbatan hushtakbozlik qilishdi. Birinchi bo‘lim o‘rtalarida katta ekranda fransiyalik futbolchining yaqindan suratga olingan surati paydo bo‘ldi, keyin esa "Santyago Bernabeu" tribunalarida hushtak ovozi eshitilishni boshladi.

Futbolchi diskvalifikasiya tufayli uchrashuvni o‘tkazib yubordi. Joriy mavsumda Kilian "Los-Blankos" safida 49 ta o‘yinda maydonga tushdi. Fransiyalik futbolchi 32 ta gol urdi va 4 ta golli uzatmani amalga oshirdi.