"PSJ" bosh murabbiyi Luis Enrike klubda katta tarkib bo‘lishi muhimligi haqida gapirdi.
"O‘z oldimizga qo‘ygan maqsadlarga erishish uchun kamida 16, 18 va hatto 20 nafar futbolchi kerak. Ularning barchasi jamoa uchun muhim bo‘lishiga harakat qilamiz. Bu qiyin, lekin menimcha, bu o‘zingizni eng yaxshi tarzda ko‘rsatishning bir usuli. Shu ma’noda qo‘l ostimdagi tarkibdan juda mamnunman," - deya Luis Enrikening so‘zlarini keltiradi klub matbuot xizmati.
Eslatib o‘tamiz, poytaxt klubi allaqachon Liga 1da chempionlikni naqd qilgan, shuningdek, parijliklar Chempionlar ligasi yarim finaliga qadar yetib borgan va u yerda ularni Londonning "Arsenal" klubiga qarshi o‘yin kutib turibdi.













