"ПСЖ" бош мураббийи Луис Энрике клубда катта таркиб бўлиши муҳимлиги ҳақида гапирди.
"Ўз олдимизга қўйган мақсадларга эришиш учун камида 16, 18 ва ҳатто 20 нафар футболчи керак. Уларнинг барчаси жамоа учун муҳим бўлишига ҳаракат қиламиз. Бу қийин, лекин менимча, бу ўзингизни энг яхши тарзда кўрсатишнинг бир усули. Шу маънода қўл остимдаги таркибдан жуда мамнунман," - дея Луис Энрикенинг сўзларини келтиради клуб матбуот хизмати.
Эслатиб ўтамиз, пойтахт клуби аллақачон Лига 1да чемпионликни нақд қилган, шунингдек, парижликлар Чемпионлар лигаси ярим финалига қадар етиб борган ва у ерда уларни Лондоннинг "Арсенал" клубига қарши ўйин кутиб турибди.
