Vinger Estevao Villianning agenti uning mijozi klublar o‘rtasidagi jahon chempionatida "Chelsi" sharafini himoya qilmasligini tasdiqladi.
"Chelsi" Estevaoni "Palmeyras"dan 2024 yilning iyun oyida bonuslar bilan birga 55 million funt sterlingga sotib olgan edi. "Ko‘klar" futbolchiga ijara huquqi bo‘yicha Braziliya klubida qolishiga ruxsat berishdi.
Estevao ko‘pincha Neymardan keyingi eng yorqin braziliyalik iste’dod deb ataladi, shuning uchun "Stemford Bridj" vunderkindning kelishini intiqlik bilan kutmoqda.
Estevao shu hafta 18 yoshga to‘ldi, ammo Enso Mareska jamoasiga vinger faqat mavsumoldi mashg‘ulotlarida qo‘shiladi.
"Ha, u klublar o‘rtasidagi jahon chempionatidan keyin keladi. U jahon darajasidagi o‘yinchi. U juda yaxshi. Bu yigit bu yerda tarix yaratadi", - dedi agent Andre Kari.













