Mavsum boshida bir muddat "Barselona"da Xans-Diter Flikning yordamchisi bo‘lib ishlagan Tyago Alkantara kataloniyaliklarning joriy mavsumdagi muvaffaqiyatidan hayratda emas.
"Barselona"ning bu o‘yinlari kutilgan holat edi. Men bu loyihaning rivojlanishini va futbolchilarning bunday o‘yinini oldindan taxmin qilgan edim. Oxir-oqibatda Flikning maqsadi – ularga odatdagidan ko‘ra ko‘proq moslashuvchanlik va dinamikani berish edi. Agar sen bunday iste’dodli yosh futbolchilarga shunday imkon bersang, natijalar o‘zi keladi", - dedi futbolchilik faoliyatida "Barselona", "Bavariya" va "Liverpul" sharafini himoya qilgan Alkantara.
