Мавсум бошида бир муддат "Барселона"да Ханс-Дитер Фликнинг ёрдамчиси бўлиб ишлаган Тьяго Алькантара каталонияликларнинг жорий мавсумдаги муваффақиятидан ҳайратда эмас.

"Барселона"нинг бу ўйинлари кутилган ҳолат эди. Мен бу лойиҳанинг ривожланишини ва футболчиларнинг бундай ўйинини олдиндан тахмин қилган эдим. Охир-оқибатда Фликнинг мақсади – уларга одатдагидан кўра кўпроқ мослашувчанлик ва динамикани бериш эди. Агар сен бундай истеъдодли ёш футболчиларга шундай имкон берсанг, натижалар ўзи келади", - деди футболчилик фаолиятида "Барселона", "Бавария" ва "Ливерпуль" шарафини ҳимоя қилган Алькантара.