Pep Gvardiola "Aston Villa"ga qarshi o‘yindan oldin "Manchester Siti"ning markaziy himoya juftligi haqida fikrlarini bildirdi.
"Menga Yoshko chap markaziy himoyachisi sifatida yoqadi. Ayniqsa, uning chap oyog‘i hujumlarga qo‘shilishda juda qo‘l keladi. U juda tez hujumga qo‘shiladi va shunday tezlikda ortga qayta oladi. Ruben ham, Yoshko ham – katta shaxslar, ular har doim maydonda ko‘p muloqotda bo‘lishadi. O‘ylashimcha, ular o‘rtasida juda juda yaxshi sherikchilik shakllangan. Shunday ekan, bu himoya juftligi variantini kelgusi mavsumda ham qo‘llab ko‘rsak bo‘ladi", - dedi ispaniyalik mutaxassis.
