CaughtOffside nashri tarqatgan xabarga ko‘ra "Chelsi" rahbariyati yozda belgiyalik yarim himoyachi Kevin De Bryuynening jamoaga o‘tishi borasida ichki muzokaralar olib bormoqda.
33 yoshli futbolchi "Manchester Siti" bilan shartnomasini yakunlash arafasida, shu bois "ko‘klar" uni erkin agent sifatida qo‘lga kiritish imkoniyatini chamalamoqda. Aytgancha, bu hali boshlang‘ich bosqichda va hatto hozircha De Bryuynening APLda qolish ehtimoli bor-yo‘qligi ham aniq emas, chunki belgiyalik faoliyatini MLSda davom ettirishi kutilmoqda, ammo u hali ham ingliz klublari bilan variantlarni ko‘rib chiqayotganiga ishonuvchilar ham bor.
Eslatib o‘tamiz, o‘z vaqtida "Chelsi" De Bryuynega o‘zini ko‘rsatish uchun imkoniyat bermagan edi. "Volfsburg"ga o‘tgach, belgiyalik Bundesligada yorqin o‘yin ko‘rsatdi, keyin esa "Manchester Siti"ga ko‘chib o‘tdi va u yerda Premyer-liga tarixidagi eng yaxshi yarim himoyachilardan biriga aylandi.
