CaughtOffside нашри тарқатган хабарга кўра "Челси" раҳбарияти ёзда бельгиялик ярим ҳимоячи Кевин Де Брюйненинг жамоага ўтиши борасида ички музокаралар олиб бормоқда.
33 ёшли футболчи "Манчестер Сити" билан шартномасини якунлаш арафасида, шу боис "кўклар" уни эркин агент сифатида қўлга киритиш имкониятини чамаламоқда. Айтганча, бу ҳали бошланғич босқичда ва ҳатто ҳозирча Де Брюйненинг АПЛда қолиш эҳтимоли бор-йўқлиги ҳам аниқ эмас, чунки бельгиялик фаолиятини МЛСда давом эттириши кутилмоқда, аммо у ҳали ҳам инглиз клублари билан вариантларни кўриб чиқаётганига ишонувчилар ҳам бор.
Эслатиб ўтамиз, ўз вақтида "Челси" Де Брюйнега ўзини кўрсатиш учун имконият бермаган эди. "Вольфсбург"га ўтгач, бельгиялик Бундеслигада ёрқин ўйин кўрсатди, кейин эса "Манчестер Сити"га кўчиб ўтди ва у ерда Премьер-лига тарихидаги энг яхши ярим ҳимоячилардан бирига айланди.
