Italiya Kubogi 1/2 final javob uchrashuvida "Milan" Milandagi "San-Siro" stadionida "Inter" ustidan 3:0 hisobida g‘alaba qozondi.
Birinchi golni 36-daqiqada Luka Yovich qanotdan uzatilgan to‘pni boshi bilan darvozaga kiritdi. 50-daqiqada esa u burchakdan uzatilgan to‘pni darvozaga joylab, dublni rasmiylashtirdi. Uchrashuvning 85-daqiqasida Tidjani Reynders yakuniy hisobni o‘rnatdi.
Birinchi o‘yinda jamoalar 1:1 hisobida durang o‘ynashgandi. Ikki o‘yin natijasiga ko‘ra, "Milan" 4:1 hisobida g‘alaba qozonib, Italiya kubogi finaliga yo‘l oldi.
Ikkinchi finalchi 24 aprel kuni "Bolonya" - "Empoli" o‘yinida aniqlanadi (birinchi o‘yin - 3:0).













