Италия Кубоги 1/2 финал жавоб учрашувида "Милан" Миландаги "Сан-Сиро" стадионида "Интер" устидан 3:0 ҳисобида ғалаба қозонди.
Биринчи голни 36-дақиқада Лука Йович қанотдан узатилган тўпни боши билан дарвозага киритди. 50-дақиқада эса у бурчакдан узатилган тўпни дарвозага жойлаб, дублни расмийлаштирди. Учрашувнинг 85-дақиқасида Тиджани Рейндерс якуний ҳисобни ўрнатди.
Биринчи ўйинда жамоалар 1:1 ҳисобида дуранг ўйнашганди. Икки ўйин натижасига кўра, "Милан" 4:1 ҳисобида ғалаба қозониб, Италия кубоги финалига йўл олди.
Иккинчи финалчи 24 апрель куни "Болонья" - "Эмполи" ўйинида аниқланади (биринчи ўйин - 3:0).
