Din Xeysenning tovon pulini "Bornmut"ga uchta transhda to‘lash mumkin.

Bu haqda Florian Plettenberg tvitterda ma’lum qildi. 20 yoshli himoyachiga "Real," "Chelsi," "Nyukasl," "Arsenal" va "Liverpul" kabi klublar da’vogarlik qilmoqda.

Jurnalistning yozishicha, futbolchi uchun 50 mln funt (58 mln yevro) darhol to‘lanishi shart emas. "Bornmut" futbolchisining shartnomasida tovon puli uch qismga bo‘lib to‘lanishi mumkinligi ko‘rsatilgan.

Qayd etilishicha, bu haqda barcha manfaatdor klublar xabardor qilingan. Ulardan bir nechtasi bilan muzokaralar davom etmoqda - hozircha Xeysenning kelajagi bo‘yicha qaror qabul qilinmagan.