Дин Хейсеннинг товон пулини "Борнмут"га учта траншда тўлаш мумкин.

Бу ҳақда Флориан Плеттенберг твиттерда маълум қилди. 20 ёшли ҳимоячига "Реал," "Челси," "Ньюкасл," "Арсенал" ва "Ливерпуль" каби клублар даъвогарлик қилмоқда.

Журналистнинг ёзишича, футболчи учун 50 млн фунт (58 млн евро) дарҳол тўланиши шарт эмас. "Борнмут" футболчисининг шартномасида товон пули уч қисмга бўлиб тўланиши мумкинлиги кўрсатилган.

Қайд этилишича, бу ҳақда барча манфаатдор клублар хабардор қилинган. Улардан бир нечтаси билан музокаралар давом этмоқда - ҳозирча Хейсеннинг келажаги бўйича қарор қабул қилинмаган.