Futzal bo‘yicha O‘zbekiston kubogi B guruhi 2-turi doirasida "Bunyodkor" "Maksam Chirchiq" bilan bahs olib bordi va 1:1 hisobida durang o‘ynadi.
O‘yindan so‘ng "Maksam Chirchiq" jamoasi bosh murabbiyi Bahodir Ahmedov fikr bildirdi.
"Uchrashuv juda qiziqarli o‘tdi. Har ikkala jamoa g‘alaba uchun to‘p tepdi. Ammo yakunda kuchlar teng keldi. “Bunyodkor”ga rahmat aytmoqchiman, juda yaxshi o‘yin ko‘rsatdi. Bizning birinchi taymda o‘yinimiz chiqmadi.
Tanaffusdan keyin tashabbusni qo‘lga olishga erishdik. Shuning natijasida mag‘lubiyatdan qutilib qoldik. Jamoamizning ikki nafar etakchi o‘yinchisi – Botir Rizayev hamda Tohir Abdukarimovlar jarohat olishgan.
Shu sabab maydonga tusha olishmadi. Ammo jamoamiz bilan Jizzaxga birga kelishdi va yigitlarni qo‘llab quvvatlab turishdi. Nasib qilsa, chorak finalga chiqsak, ular safga qaytishiga umid qilaman. Biz har o‘yinga g‘alaba uchun maydonga chiqamiz. Ortga chekinishga yo‘l yo‘q. Pley-offga chiqish uchun keyingi uchrashuvlarda bizni faqat g‘alaba qanoatlantiradi.
