"Yuventus" Chempionlar ligasiga chiqa olmasa, taxminan 60 million yevro zarar ko‘radi.
Ayni damda Igor Tudor jamoasi A Seriyada 4-o‘rindagi "Bolonya"dan 1 ochko ortda qolgan holda 5-o‘rinda bormoqda.
La Gazzetta dello Sport xabariga ko‘ra, nafaqat bosh murabbiy, balki jamoaning ko‘plab futbolchilari taqdiri ham ECHLga yo‘llanmaga bog‘liq.
Ular orasida APLda talab yuqori bo‘lgan Federiko Gatti va so‘nggi paytlarda pasayishiga qaramay, Yevropadagi qimmatli aktivlardan biri sanalgan Andrea Kambyaso ham bor. Shuningdek, Duglas Luis ikkinchi imkoniyatni qo‘lga kirita olmasligi, Ueston Makkenni bilan kelishuvni uzaytirish esa yanada qiyinlashishi taxmin qilinmoqda.
Ta’kidlanishicha, Mattia Perin katta ehtimol bilan klubdan ketishni so‘raydi, shuningdek, shartnomani uzaytirmaydigan Dushan Vlaxovich ham.
Bundan tashqari, "Yuventus" moliyaviy sabablarga ko‘ra, Randal Kolo-Muani va Fransishku Konseysauning to‘liq transferi bo‘yicha kelisha olmasligi mumkin.
