"Ювентус" Чемпионлар лигасига чиқа олмаса, тахминан 60 миллион евро зарар кўради.
Айни дамда Игор Тудор жамоаси А Серияда 4-ўриндаги "Болонья"дан 1 очко ортда қолган ҳолда 5-ўринда бормоқда.
La Gazzetta dello Sport хабарига кўра, нафақат бош мураббий, балки жамоанинг кўплаб футболчилари тақдири ҳам EЧЛга йўлланмага боғлиқ.
Улар орасида АПЛда талаб юқори бўлган Федерико Гатти ва сўнгги пайтларда пасайишига қарамай, Европадаги қимматли активлардан бири саналган Андреа Камбьясо ҳам бор. Шунингдек, Дуглас Луис иккинчи имкониятни қўлга кирита олмаслиги, Уэстон Маккенни билан келишувни узайтириш эса янада қийинлашиши тахмин қилинмоқда.
Таъкидланишича, Маттиа Перин катта эҳтимол билан клубдан кетишни сўрайди, шунингдек, шартномани узайтирмайдиган Душан Влахович ҳам.
Бундан ташқари, "Ювентус" молиявий сабабларга кўра, Рандаль Коло-Муани ва Франсишку Консейсаунинг тўлиқ трансфери бўйича келиша олмаслиги мумкин.
