"Lids"ning APLga qaytishiga katta hissa qo‘shgan dominikanlik Junior Firpo keyingi faoliyati haqidagi savolga javob bera olmadi.

"Betis" tarbiyalanuvchisi bo‘lgan futbolchi "Barselona"da 2 yil o‘ynagach, "Lids"ga kelib qolgan. Uning amaldagi shartnomasi iyun oyi oxirida tugaydi. Marca nashrining jamoadan ketish haqidagi savoliga Firpo quyidagicha javob berdi:

"Bilmadim, bu savolga javob bera olmayman. Men ko‘tarilishga e’tibor qarataman va chalg‘ishni xohlamayman. Balki menda takliflar bo‘lar, bu mavsumdagi o‘yinim uchun yaxshi e’tirof bo‘lardi."

Firpo klubda qolishi mumkinligini istisno qilmadi.

"Bu yerda o‘zimni yaxshi his qilyapman, APLda kim o‘ynashni istamaydi? Bu turnirdagi ikki yilim unchalik yaxshi bo‘lmadi. Ko‘p jarohatlar oldim, yana koronavirus. Marselo Byelsa boshchiligida va hozirgi holatimda tarix butunlay boshqacha bo‘lardi."

Qayd etilishicha, futbolchining xizmatlariga "Betis" qiziqish bildirmoqda. Joriy mavsumda chap qanot himoyachisi sifatida o‘ynayotgan Firpo barcha musobaqalarda 34 ta o‘yinda maydonga tushib, 8 ta ogohlantirish oldi, 4 ta gol urdi va 9 ta golli uzatmani amalga oshirdi.