"B" guruhi navbatdagi uchrashuvida "Oil Star" Toshkentning "Bunyodkor" jamoasini 3:1 hisobida taslim etdi.

Qiziqarli bellashuvda Timur Salimov hisobni ochgan bo‘lsa, oradan 2 daqiqa o‘tib, Nurullo Sagdullayev muvozanatni tikladi.

Biroq ikkinchi bo‘limda "Oil Star" baribir kuchliroq ekanligi sezilib qoldi hamda yana o‘sha Timur Salimov hamda Ilhom Hamroyevning gollari evaziga buxoroliklar g‘alabani qo‘lga kiritishdi.

Natijada, "Bunyodkor" oxirgi uchrashuvdan avval Buxoro shahri qabul qilishi rejalashtirilgan chorak final bosqichiga chiqish imkoniyatini yo‘qotdi. Ushbu guruhdan keyingi bosqichga "Oil Star" bilan birga "Neftchi" jamoasi yo‘l oladigan bo‘ldi.