"Б" гуруҳи навбатдаги учрашувида "Оил Стар" Тошкентнинг "Бунёдкор" жамоасини 3:1 ҳисобида таслим этди.
Қизиқарли беллашувда Тимур Салимов ҳисобни очган бўлса, орадан 2 дақиқа ўтиб, Нурулло Сагдуллаев мувозанатни тиклади.
Бироқ иккинчи бўлимда "Оил Стар" барибир кучлироқ эканлиги сезилиб қолди ҳамда яна ўша Тимур Салимов ҳамда Илҳом Ҳамроевнинг голлари эвазига бухороликлар ғалабани қўлга киритишди.
Натижада, "Бунёдкор" охирги учрашувдан аввал Бухоро шаҳри қабул қилиши режалаштирилган чорак финал босқичига чиқиш имкониятини йўқотди. Ушбу гуруҳдан кейинги босқичга "Оил Стар" билан бирга "Нефтчи" жамоаси йўл оладиган бўлди.













