"Barselona" yarim himoyachisi Pedri 2015 yilgi Yevropa chempionlar ligasi finali xotiralari bilan o‘rtoqlashdi.
O‘shanda kataloniyaliklar finalda "Yuventus"ni mag‘lub etgandi - 3:1.
"Men ayniqsa finalni va [Ivan] Rakitichning golini yaxshi eslayman. Bu uchrashuvni muxlislar uyushmasi bilan birga tomosha qilib, juda zavq olgan edim. Bu ajoyib final bo‘lgandi, ayniqsa hujum uchligi [Neymar, Luis Suares, Lionel Messi] ko‘rsatgan o‘yin uslubi bilan. Ular haqiqiy yulduzlar edi va ko‘rsatkichlari ham hayratlanarli bo‘lgan. Ularning o‘yinini tomosha qilish juda maroqli edi", - dedi yarim himoyachi.
