"Real"ning kadrlar bilan bog‘liq muammolari kun sayin og‘irlashmoqda. Seshanba kuni klub uch nafar himoyachining – Antonio Ryudiger, David Alaba va Ferlan Mendining jiddiy jarohat olganini e’lon qildi.

Shunday qilib, "Real"ning birdaniga olti nafar futbolchisi mavsum oxirigacha maydonga tusha olmaydi:

— Dani Karvaxal (xochsimon paylarning yirtilishi, oktyabr oyidan beri jarohatlangan);
— Eder Militao (xochsimon paylarning yirtilishi, noyabr oyidan beri jarohatlangan);
— Eduardo Kamavinga (chap son mushagi paylarining to‘liq yirtilishi);
— Antonio Ryudiger (chap tizzaning tashqi meniskining qisman yirtilishi);
— David Alaba (chap tizzaning ichki meniskining yirtilishi);
— Ferlan Mendi (o‘ng sonning to‘g‘ri mushagi proksimal paylarining yirtilishi).