Londonning "Arsenal" klubi yarim himoyachisi Mikel Merino Chempionlar ligasi yarim final dastlabki o‘yinida "PSJ"dan uchralgan mag‘lubiyatga izoh berdi.
Uchrashuv mehmonlarning 1:0 hisobidagi g‘alabasi bilan yakunlandi, yagona gol 4-daqiqada Usmon Dembele tomonidan kiritildi.
"Bu og‘ir o‘yin bo‘ldi. Dastlabki 10-15 daqiqada biz o‘zimizning darajamizda o‘ynamagan bo‘lsak kerak, ammo jamoa o‘tkazib yuborilgan to‘pdan keyin tezda tiklandi va qolgan vaqtda deyarli ustunlik qildi.
Biz haqiqatan ham yaxshi, kuchli jamoaga ega ekanligimizni bilamiz va javob o‘yinida g‘alaba qozonishimizga ishonamiz. Bugun ko‘rsatganlarimiz faqat boshlanishi. Parijga borishni intiqlik bilan kutmoqdamiz," - deydi futbolchi klub saytiga bergan intervyusida.
"PSJ" va "Arsenal" o‘rtasidagi javob o‘yini 7 may kuni bo‘lib o‘tadi.
