Лондоннинг "Арсенал" клуби ярим ҳимоячиси Микель Мерино Чемпионлар лигаси ярим финал дастлабки ўйинида "ПСЖ"дан учралган мағлубиятга изоҳ берди.
Учрашув меҳмонларнинг 1:0 ҳисобидаги ғалабаси билан якунланди, ягона гол 4-дақиқада Усмон Дембеле томонидан киритилди.
"Бу оғир ўйин бўлди. Дастлабки 10-15 дақиқада биз ўзимизнинг даражамизда ўйнамаган бўлсак керак, аммо жамоа ўтказиб юборилган тўпдан кейин тезда тикланди ва қолган вақтда деярли устунлик қилди.
Биз ҳақиқатан ҳам яхши, кучли жамоага эга эканлигимизни биламиз ва жавоб ўйинида ғалаба қозонишимизга ишонамиз. Бугун кўрсатганларимиз фақат бошланиши. Парижга боришни интиқлик билан кутмоқдамиз," - дейди футболчи клуб сайтига берган интервьюсида.
"ПСЖ" ва "Арсенал" ўртасидаги жавоб ўйини 7 май куни бўлиб ўтади.
