"Barselona" bosh murabbiyi Xans-Diter Flik intizomga qat’iy yondashuvi bilan ajralib turadi. Bu mavsumda nemis o‘yin oldidan yig‘ilish yoki mashg‘ulotlarga kechikishga yo‘l qo‘ygan o‘yinchilarni bir necha bor asosiy tarkibda maydonga tushirmagan.
Chempionlar ligasi doirasidagi "Inter"ga qarshi o‘yin oldidan 6 nafar futbolchi mashg‘ulotlarga biroz kechikdi - Lamin Yamal, Fermin Lopes, Gavi, Ansu Fati, Inigo Martines va Ronald Arauxo.
El Chiringuito dasturida Flikning qolgan jamoaga qo‘shilish uchun maydonda ketayotgan o‘yinchilarga norozi qiyofada qaragan videosi namoyish etildi.
Flik o‘yinchilarni qandaydir tarzda jazolashini aytish qiyin, chunki videoga ko‘ra, kechikish bir necha daqiqa yoki hatto soniyalarni tashkil etgan.
